مسابقة الشعر العامى

مكانش كدبة ..مسابقة الشعر العامة بقلم / منى حسين محمد عيسى من مصر

قصيده عاميه
خاصه بالمسابقه
بقلم/ منى حسن محمد عيسى
سارسل رقمر على الخاص

مكنش كدبه
***********
كنت حاسه……..
كنت عارفه…….
إن بعدك غصب عنك
ياما قلبي قال مسامحك
ياما قال بعدك محال
كنت عارفه إن قلبك
لسه ليه….وإن وعدك
مكنش كدبه
ياما قلبي كتب على
سطور الليالي
إن قلبك ما غدر بي
وإن بعدك خوف عليَّ
ايوه كنت بتخاف عليَّ
حتى…….من نفسي
اخترت البعاد لجل
تحميني مني ومنك
كنت عارفه قلبك
من بعيد بيحرسني
ولسه حبي جواك
نار بتكوي
ياما ظنوا همّا فيك
ياما قالو لي عنك
كنت وحدي بكدب ظنونهم
حتى ظني كان بيكدب
كنت عارفه إن عيونك
بتراقبني من ورا كل البيبان
ولما ظني فيك ألمني
ظني برضه كان بيكدب
ياما قلت عليك مش كداب
دالزمن هو اللي
كتب علينا العذاب
كنت عارفه إن خطوتك
فى البعد كانت تقيله
وطريقك مليان ضباب
وحياة القلب اللي فى
يوم مانسيته ولانسيني
اللي لسه لحد النهارده
هو …….. يميني
هايجي يوم نفرح بلقا
يرضيك ويرضيني
وأحضن هواك
بنن عيني
يا نن عين
…………………..
منى حسن محمد عيسى

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق