احنا الشعب.. اللى بيهناله
يطرح ليه……….الفجر نهار
واللي هيتعب …منا بداله
ميت مليون يمشوا المشوار
احنا الشعب المصري الحر
اللي عشانها ….دوقنا المر
مش راح نسمح فيها يمر
مجرم بينا …….وبينه التار
دم ولادنا……. اكيد هيعود
مهما يكون… مين النمرود
واللي يساعد سرب الدود
بكره هنحرق ….فيه بالنار
احنا الشعب …وبالملايين
مش هنسلم ….وللا هنلين
مهما يكون …..الظالم مين
راح نسقيه من كاسنا مرار
احنا الشعب وعارفين مين
اللي بيقتل ……..مصريين
واللي بجهله ….هدم الدين
فاكر نفسه ……من الشطار
بكره الفرح…. اكيد هيعود
والأوتار …….بالفرح تجود
لما الشعب … وخير جنود
يخدوا بتارنا.. من الأشرار
أدى الشعب.. وكل أبطاله
جهز روحه…. ودمه وماله
لجل م تصبح …..أم عياله
زى الشمس ….ف عز نهار
أدى بلدنا ……وأدى شبابها
حالفين يحموا لمصر ترابها
واللي يفكر………. انه غلبها
يبقي عبيط وف عقله غبار
************************
رضا ابو الغيط
