ط
مسابقة الشعر العامى

قصيدة : صعب جدا . مسابقة الشعر العامى بقلم / حلمى قاسم على

مسابقة مهرجان همسه للأدب والفنون

فرع شعر العاميه المصريه

الاسم/حلمي قاسم على

عنوان النص (صعب جداً)

……….. …………….

صعب جـــــــــداً

لــــــــــــــو تعيش والغربة روحك

أو جروحك

تجبرك تكتم فـــــــــــى بوحك

يبقـــــى نوحك هُـــــــــس هُـــس

صعب جــــــــــــــداً

لــــــــــو تِحـــس إنك مـــــــش إنت

واللى جــــــــــواك حــــــــــــــد تانى

حـــــــــــــــــد جانى مـــــــا يشبهكش

كل خطوه تقول عليها بيمشى عكس

صعب جــــــــــــداً

لمــا تحلم حلم وعنيك مفتـــــوحين

والسنين دايســـــاك تملـــى برجلها

وانت ضعيف مـــــــــــش قـــــدها

ولا حتى قــــادر تحتــــويها بالكلام

سيبت اللجام والمهره شردت ف الطريق

زى الغريق فـــــى الوحل غارز للركب

واللى انسكب دمك مـــــــــع حفنة عرق

حبة قلق طابقين على روحك قــــــــوى

وبتنشــــوى فوق جمر وهمك والظنون

جواك كانون والــــــع بيهدر ليل نهار

علـــى حلم عشته ومــــــا اكتملش

صعب جــــــــــــداً

تِهدى قلبك يوم لحد ما يستاهلش

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى