مسابقة الشعر العامى

من كتر مالقيت وسافرت .مسابقة العامية بقلم/محمود احمد عبد الحميد

Spread the love

محمود احمد عبدالحميد
مصر _شعر عاميه
01129101338
من كتر مالفيت وسافرت

أنا شوفت كتير واتعلمت

شوفت الصحرا بلونها الأصفر

تحت شعاع الشمس الدهبي

نازل يجلد فيها وعجبي

شفت الناس عايشين في لظاها

سبحان مين علي كدا قواها

ساحب غنمه في وسط متاهه

وعلي شح نباتها بيرعاها

شفت سفينه في قلب التل

ماشيه بتبحر وسط الرمل

بسئل بدوي قالي دا جملي

شفت النخل في قلب الواحه

جي يقضي العمر سياحه

واقف صامد من غير راحه

شوفت البحر وفوقه الطير

طاير هايم ماله دليل

يعكس سطح البحر جماله

وحضنه سريره في قلب الليل

شوفت طريق أسفلتي طويل

من كتر ما طويته مشاوير

عديت فيه عمدان النور

م الحسنه ولحد الطور

وعرفت ان مابينهم فيه

خمسين متر مسافه طول

شوفت سواق محني عجوز

دايماً جمبه يقول محجوز

علشان واحد يدفع جوز
أو واحده ويعملها أرجوز

وعرفت ان الاسطي صلاح

كراسيه محتاجه إصلاح

وصالونه ماهواش مرتاح

شوفت في قطر الشرق عجايب

ومياصه وبلطجه وحبايب

والأدب الحد دا كان غايب

وسمعت كلام كدا مافهمتوش

بس النبره بتحكي مصايب

 

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق