الشعر والأدب

مهما ان كانت فتن الغريب,,بقلم / عماد الشاعر

عماد الشاعر
مهما ان كانت فتن الغريب
شمسك يامصر مش هتغيب
وهنفضل دايما إايد واحده
هانعدى وسوا بحور اللهيب
ولا حد فينا ابدا هايهيب
ولا نعرف خوف ياقلوب جاحده
إبعدوا عن وطنى الحبيب
اللى كان ليكوا با لمرصاد ديب
بكره يعلمكم ازاى تقولوا
ويانا وده بكره قريب
يحيا الهلال ويا الصليب

*********************

مهما ان كانت فتن الغريب
شمك يامصر مش هاتغيب

*********************

طول عمرنا عايشين اخوات
ماعندناش تفرقه فى الدين
اقرأوا التاريخ مليان حكايات
عن الاسلام والمسيحيين
عيسى العوام وصلاح الدين
كانوا فى حب القدس مجاهدين
وفى الجلاء هتفوا الملايين
بشعار زى الرصاص يصيب
يحيا الهلال ويا الصليب

**********************

مهما ان كانت فتن الغريب
شمسك يامصر مش هاتغيب

**********************

نموت فى حضنك يابلادى
ولا نقبل دخيل يحكمنا
ده ليلك منور بولادى
وف نيلك كلنا عُمنا
تعيشى يابلد السلام
للمسيحيه وللإسلام
فى سماكى حمل الحمام
غصن الزيتون مع لحن حبيب
يحيا الهلال ويا الصليب

*********************

مهما ان كانت فتن الغريب
شمسك يامصر مش هاتغيب

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

‫2 تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق