الرئيسية » مسابقة الشعر العامى » مواطن عالم تالت .مسابقة الشعر العامى بقلم طارق يوسف من مصر

مواطن عالم تالت .مسابقة الشعر العامى بقلم طارق يوسف من مصر

للمسابقه قصيده بالعاميه المصريه
طارق يوسف … مصر
01285346235
….
مواطن عالم تالت
………………..
انت مواطن ؟؟ ,, أيوه مواطن
ايه الجنسيه ؟؟ ,, أكيد عربيه
_يعني مواطن عالم تالت
من جماعات ارهاب احتالت
قول طلباتك .. بس متتعشمش في حاجه
انها تتحقق في حياتك
_ انا من دم ولحم وروح
زي الغربي ونفسي أبوح
_ اخرس …..
انت مواطن عالم تالت
انت تقول حاضر .. واتقالت
مش من حقك كلمة آه
ولا من حقك تبني حياه
انت تعيش لما أؤمر بيها
تستنى اللقمه اللي أرميها
افكارك مني بتاخدها
أحلامك بتحكم فيها
_ انا مبشيلش سلاح واتعدى
منا مقدرش أقول واتحدى
واما بصلي وادعي لربي
بدموع القلب انا بتوضى
نفسي في بيت مقفول وأمان
انا مبهينش .. دا انا المتهان
دمي بينزف غطى الشارع
وحزنت انا كل الأحزان
_ انت ازاي بتقول وتفضفض
ناقص صوتك يعلى وترفض
فرق كبير بين دمي ودمك
فرق كبير من همي وهمك
فرق كبير بين أمي وامك
_ عندك حق انا أمي شريفه
مبتحنيش ضهرها ونضيفه
وانت جبان مش خايف منك
حقي وهاخده غصب عنك
_اخرس ..
ـ اخرس انت
اعرف حجمك .. قوللي تاريخك
مش هتهز انا من صواريخك
قلبي هيرجع جامد قادر
كنت الماضي وهبقى الحاضر
دم اخواتي وأرضي وعرضي
ليهم بس هقول أنا حاضر
‫#‏طارق_يوسف‬

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *