مسابقة الشعر العامى

نحلم ببكره . مسابقة الشعر العامى بقلم / محمد حسن حسان من مصر


خاص بالمسابقه
قصيده نحلم ببكره باللهجه العاميه
كلمات محمد حسن حسان من مصر
تليفون 01282488105
من سنين بحلـم ببكـرة
أحلى م اليوم اللي فـات
من سنيـن بحلـم أداوى
جرح عمـري بالآهـات
فجــر طالـع بإبتسامـة
السعـادة منــه طلــه
كل يوم بيسيب علامة
تحكى أحلـى الذكريـات
************
مـن سنيـن بحلم أشوف
دنيـا فيها الخيـر كتيـر
أنسي ضعفي أنسى خوفي
والأمـان يصبـح كبـير
نفسي أشوفها أرض خضرة
بـذره طرحـه نور وخير
ضحكة ترسـم شمس بكرة
لطير جريح محتاج يطير
************
من سنين بحلـم ولكـن
حلمـي تطـويه السنيـن
أهزم اليـأس اللي ساكـن
يعشقـة النـاي الحزيـن
الربابـة و الكمـــان
إتجمعوا في سنفونيـة
يعزفوا اللحـن اللى كان
غنـوه حلوة ف كلمتين
************
من سنين بحلـم تكـون
الحيـاة بطعــم تانــى
في حركتـي ف السكـون
أشوفها وبكـل المعانـي
الأمل في عروقي ينبـض
يحـكـى قصتـه للوريـد
يحكى لـحن الحـب ينشـد
غنوه من أحلي الأغانـي
************
من سنين بحلـم بفرحـه
تجمـع كــل الصحـاب
السعادة فيـها طرحــه
ضحكـة بتهـز السحـاب
صحبة حلوة وسمسميـة
وقاعدة رايقـة ع القنـال
نفتكــر أيــام هنيــة
ذكرى ايام الشباب
************
مـن سنيـن بحلم بدنيـا
أنســي فيهــا كـل آه
إنسي حزني في دنيا فانيه
الأمل نجـرى وراه
دنيـا فيها البـدر ساطـع
شمـس طلـه ع الجميـع
نعشق الفجـر اللي طالـع
ماحنـا عشـاق الحيـاة
****************

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق