نامي في حماي
امنك حداي
ومتشليش هم لعدايا
ومتخافيش من اللي جاي
منا اللي تملي بحميكي
وحامي حمايا علي حسك
وأنا اللي تملي بفديكي
فدا الحاجه اللي بتمسك
وأنا اللي حياتي لوصالك
وأنا الجندي اللي متصانك
وأنا اللي عنيا مابتنزل
علي العين اللي بصالك
وأنا الشمس اللي ماتغرب في أي مغيب
وأنا السهران علي حدودك عيون الديب
بلادي بلادي ماتخافي
هصون شرفك وصون العرض
وليه يا بلادي هتخافي
وأنا الخيره ف جنود الارض
وأنا الجندي اللي مايسلمش
وأنا الروح اللي لو تطلع
٢٠٠ مره متستسلمش.
وأنا اللي حياتي لوصالك
وأنا الجندي اللي متصانك
وأنا اللي عنيا مابتنزل
على العين اللي بصالك
