الرئيسية » الشعر والأدب » نفحات 2 كلمات الشاعر / محمود وحيد

نفحات 2 كلمات الشاعر / محمود وحيد

محمود وحيد

الليلة ليلة قدر
شد الإزار يا خى
وافتح قليبك قوم
جايز ينوله الضى
باب السما مفتوح
وملايكة فيها الروح
نازلين لأرض الله
بيسلموا ع الحى
والحى مش انفاس
ولا نفس غفلانة
ولا عين يا دوب
ف الراس
تايهه ةعميانة
الحى حى قلـــــوب
ونفوس مناها تتوب
ندمانة ع اللى فات
متعاهدة ع اللى جاى
============
الليلة ليلة قدر
زيد ياللا ف التسبيح
صلى على المختار
وإتأنى ف التراويح
رب العياد غفًار
وبيقبل الأعــذار
مهما يكون الذنب
واسع وعفوه فسيح
للى بيسعى اليه
لاجل ينول الرضا
لاجل الإله يهديه
سكة نجاه مع هدى
تشفى الجراح وتطيب
والجنة تبقى نصيـــب
تتطًهــــــــــر الأرواح
والعفو يبقى صريح
================
الليلة ليلة قدر
إصفوا يا بنى أدمين
داحنا حدا ربنا
أطهر عقيدة وديـــن
الليلة ليلة نـــــــــور
وملايكة جاية تزور
م الليل لغاية الفجــر
بتوزع النياشيـــــــن
نياشين من الرحمن
للى اصطفاه ربنا
مختومة بالغفــران
متسطرة بالضيا
يا رب انا طمعـــــــان
القى لروحى نيشــــان
واسمى يكون مكتوب
ف الليلة م الفايزيــــن
==================
اللهم امين

محمود وحيد

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

صوب الجمال .قصيدة للشاعرة / نرجس عمران . سوريا

صوب الجمال لنجعل الأحلام مشرأبة كل العطايا دلال لنعمر الحياة محبة في الورد بعض الاكتمال …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *