الرئيسية » الشعر والأدب » نفســــى…قصيدة للشاعر / حلمى قاسم

نفســــى…قصيدة للشاعر / حلمى قاسم

حلمى قاسم 2
“نفســــى”
**********
زى كُل يـــــوم
بَصحـــى الصبح بدرى
اصلـــــى الفرض وافطر
واتوكِل علـــى شُغلى
والمـــره دى يا سَاده
حسيت على غير العاده
فـــِ القلب بـــدقه زياده
وحنين اول مـــا لاقيتهم
رايحين على مدرستهم
شابكين مع بعض ايديهم
عارفينها منين سكتهم
بيغنــــوا نَشيد بــلادى
مـــع بعض بعلو صوتهم
و لاقيتنـــى برد عليهم
والقلب اتشـــد اليهم
هملنـــى وراح نواحيهم
رجعنى لزى حـــلاتهم
لما كُنت يَدوبك عيل
والجســــم نحيف وقليل
بيميل للــــى فـــ سنه
ببساطه عايشها اكمنه
مش شايل اى هموم
وفـــ اى مكان بيمــــدد
يغرق على طول ف النوم
وبيلبس اى هــــــدوم
وحشتنى بجد طفولتى
واللعب مع ولاد خالتى
اول مــــا بنكسر حاجه
ادارى فـــ طرحة ستـى
حنيت لفصول مدرستى
لكتابــــى ولكراستـــى
والتخته مـــــع السبوره
ووحشنى الحوش والملعب
والفسحه ولعب الكوره
يا طابور الصبح انا فاكرك
وكمان الحصه الاولــــى
ويا درس انا برضه مذاكرك
وجباتى كمان محلوله
اشتاقت لصـــوت الناظر
و لبصـــــاته وحركاته
كان يعشق كلمة حاضر
طيب على قـــد حلاته
استاذى وحشنى كتير
والشـوق ف القلب زياده
وبحبك اوووووووى يا امير
مشتاق لك زى العاده
اصحابى وعِشرة عُمرى
الحُب عليكــــــوا قليل
لــــــــو كان العمر بأمرى
كنت ارجــــع حتة عيل
نفسى ارجـع حتة عيل
**************
قلم/حلمى قاسم

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

عنوان اغتراب ..قصيدة للشاعرة / شيران الكردى

عنوان اغتراب ،،،،،،، ******************** روضةُ العمر قد دنت من صبورٍ فاحَ منهُ عطر زهر الخِطاب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *