ط
مسابقة الشعر العامى

غصب عنى .مسابقة الشعر العامى بقلم / حسن حمدى حسين بيومى .مصر


حسن حمدي حسين بيومي
الشهرة حسن حمدي البيومية
مصر الجيزة
خاص بالمسابقة : نص عامية
غصب عني
يللي عايشه جوه مني
متشيلش يا قلبي همي
ولا شيلي
هي فارقه يعني عندك
مااتقسمت غصب عني
نص ميت جوه مني
وراح بقيتي ويا بعدك
شفت اخر صبرحبك
مات وريدي
مش بايدي
دمعه تاهت جوه روحي
بتناديكي غصب عني
شوق ليكي جه في حضني
اشتكيته
البكا في حضنه رميته
شق قلبي لما داريته
من عينيكي
لما تشمت يوم في همي
وتشوفيني صعبان عليكي
شايله همي
طب انتي امي
ولا حتي جار يزورني
ولا قاضي يرد ظلمي
الحكاية سكة فيها البعد عني
قسمة ونصيب بتحايلني
مش مصدق غصب عني
طب قوليلي
شوفتي ايه في طبعي يعني
ولا كنت ليك عادي
بالسهولة تروحي مني
واشتريكي بعمري كله
تيجي ساعه وتبعيني
صعب اسامحك
غصب عني

حسن حمدي البيومية

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى