الرئيسية » مسابقة الشعر العامى » هذه أمى ..مسابقة العامية بقلم / سيد محمود من مصر

هذه أمى ..مسابقة العامية بقلم / سيد محمود من مصر

سيد محمود
شاعر وكاتب
المنيا . مصر م/ 01152673351
قصيدة ( عامية ) بعنوان ( هذه أمي )
وبنده…؟
آه بقولك بحبك
ولساكي ساكنة جوايا
وقلبي اللي كان خالي
ويملا الدنيا بغنايا
وأفرح لما أكون وحدي
وأحس بفرحتي معايا
ولما الدنيا بتضلم !!
والآقي الخوف يناديني
ويديني آهات ياما
وما بينا حساب !!
وأرد الباب علي نفسي
وأقول نفسي تكوني هناك
تحت طرحنا الأخضر
وطفل صغير بيتمخطر
على أنغامي وشجوني
وأنا ولوني كما اللي مستني
يفرح لما يكسرني
يلملمني بعيد وحدي
ويسرقني في يوم سعدي
وأكون راضي على المكتوب !!
مانا المدبوح على بابك
وحجابك كليل ظالم
عمره ما يعرف الرحمة
وفي الزحمة تلاقي الكل مستني
على بابك بصوت مبحوح
بيتسول حنان العِشرة والجِيره
ويا أميرة حني على المسكين
ومديله أيدين عطفك بلا سكين
دا حبك فرض على عيني وعلى راسي
ولا عمري هكون ناسي
ولا هجري ورا التغيير
ماغيرنا أيه اللي حصل يعني
وشارينا علشان خدك النادي
فقام باعنا
وطعمك اللي كان سكر ومتكرر
ماهوش ليا !!
أنا وإنتي وكل العاشقين يمك
بنندهلك ونتذلل لجل ما ترضي
أبص بعيني الاقيكي بتطعني في عرضي
وأنا شايلك سنين العمر جوايا
ولو حسيتي بالآهه
أفرد لك حبال الود
ولا أزعل ولا أتغير
ولا أقول دي كرهاني
وأعمل زي ناس تانيين
يمصوا في دمنا يوماتي
ومش سألين !!
يا بلدي يا أغلى ما ليا
وشوق وحنين
وضحكة طفل مغبونه
بيتمخطر شمال ويمين
بكل حنين بيندهلك
يا أمي تعالي على مهلك
ولا يهمك كلام الناس
ولا الوسواس ينسيني
ويلهيني بعيد عنك !!
مانا إبنك رغم البعد
والجلاد ورا ضهري
بيرسم كل شيئ مسروق
ولما أفوق
الآقي كل شيئ مدبوح
وأدور في خبايا الروح
على صبيه
وحبة ميه تبل الريق
وتروي غُصننا اليابس
فينبت قلبنا الأخضر !!**

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *