الرئيسية » الشعر والأدب » هونها تهون..قصيدة للشاعر / حلمى قاسم

هونها تهون..قصيدة للشاعر / حلمى قاسم

حلمى قاسم
****************
مــــاتخفش من بكره

إهدى يا صحبى وروق

الرزق ع الخالـــــــق

ومهوش على المخلوق

إيه يعنى لو زرجنت

فى طريق ماشفش النور

إنزل وقـــــول يا رب

واديهـــــــــا زقه تدور

ده الرزق مـــن ربنا

فوق الجبين مكتوب

فبلاش تقول يا فلان

وتشيل يا صحبى ذنوب

خلي الرضا فى القلب

والحمد ع المقســــوم

اصبر على وعـــدك

ده مفهش حال بيدوم

جــــايز فى يوم تفرج

والقرش يملي الجيب

جـــــايز كمان تمرض

رغم الفلوس ما تطيب

دى النعمه مش فى المال

والفرح تمنه رخيص

سعدك فى راحة البال

ماتقولش يوم ماعييش

ربك كبير عــــــادل

ابداً مــــــــا يظلم حد

ليه تشكى وتجــــــادل

عيشهـــــا ولو ع القد

مـــــاتخفش من بكره

وبيبانه مفتـــــــوحه

دايماً و مـــــا مابتنسد
****************
قلم/ حلمى قاسم

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

أشفق عليك ياقلبى .خاطرة بقلم / إبراهيم راضى

أشفق عليك يا قلبي المسكين……. أشفق عليك من كثرة الألام كل وقت وحين….. أشعر بأنك …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *