الرئيسية » الشعر والأدب » واحد من ألف ..قصيدة للشاعر / محمد مفتاح

واحد من ألف ..قصيدة للشاعر / محمد مفتاح

محمد مفتاح
(واحد من ألف)

لو هوصف حبك
جايز قوي مايكونش الوصف
ويخوني الحرف
يصعب علي قلمي
في يوم الوصف
مخلوق بالفطره أني أحبك
ومنايا العمر أعيش جنبك
أحضن قلبك
بتاخدنا الدنيا بتبعدنا
تفرقنا وتخلف مواعيدنا
احساس جوانا بيسعدنا
ولا ننسي الوعد
لو حتي يا حبيبتي بعدنا
وماكان لبعض
الذكرى هتفضل سكنانا
والحب هيفضل جوانا
لو حتي مابينا حدود الارض
البعد حبيبتي ماهوش مسافات
البعد جفا وشرود وسكات
القرب دفا وحنين وآهات
نسمعها ساعات
بتعيش جوانا برغم البعد
ياما ناس ويانا لكن أغراب
وبعيد عن عينا لكن أحباب
بيحسو ببعض
مهما اوصف او احاول اقولك
صعب ان حروفي توصلك
احساس او وصف
مهما أكتب أو أحاول أقولك
ده مش هيكون واحد من ألف

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

أيلول ُ ينتظرُني .. قصيدة للشاعر / زكريا عليو

& & أيلول ُ ينتظرُني & &… .. مذْ سقطَ مغرِّباً وجهي جثوتُ على أطرافِ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *