ط
الشعر والأدب

واحشني صوتك..قصيدة للشاعر / محمد حسن عبد العليم


واحشني صوتك

قصيدة لوالدي الراحل حسن عبد العليم في ذكرى رحيله الثالثة

 

واحشني ده صوتك

ولهفك عليا

لمسة إيديك ,

على راسي وعنيا

أبويا حبيبي

فراقك صعيب

ماحدش بيسأل عليا بعيد أة قريب

ماحدش أهمه مع إني من دمه

فبعدك ياابويا

صاحبني المشيب

أبويا حبيبي  هقولك كلام

يضايقك ده جايز

ليك الملام

لكني بفضفض  معاك يا حبيبي

وروحك أكيد هتدرى بكل ما بي

 

تخيل يا ابويا أنا لسه وحدي

ولسه في قلبي مرارة وحلقي

ماعادتش دنيا ومليانة خير

زمان لما عشنا بواقي ضمير

كنا في دنيا ولسالها خير

ومات الضمير ومات كل خير

أخدت يا ابويا معاك الأبتسامة

ماسبتش مجرد بواقي حياة

أخدت الحياة معاك جوا قبرك

حقيقي يا ابويا ظلمت حبيبك
ولكن مسامحك عشان أمر ربك

 

قصيدة بقلم محمد حسن عبد العليم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى