ط
الشعر والأدب

“واخـــرتها؟!!”قصيدة للشاعر / حلمى قاسم

حلمى قاسم 2
ولسه لِك فــ قلبى مكان
ولسه الروح بتهــواكى
ومهما تبدلى العنـــوان
لا يمكن برضه انساكى
ولا فكــــرت ابيعك يوم
برغــــــم انك كتير بايعه
وسقيانى المحبه هموم
ورميانى فـــ نار والعه
مَنيش عارف حكايتك ايه
وليه طيفك ملازمنـــى ؟!
فــ كل مكان اروح بلاقيه
كأنك ساكنه فــــ الننى
كأنك عايشه جوه النبض
بتسرى محبه فـــ عروقى
يا قاتلانى بسيف الصد
وسحلانى فـــ ويل شوقى
يا نبته وقلبى ميه وطين
جذورها فـ نبع شرايينى
يا زارعانــــى اهات وانين
وساكنه فــ كل تكوينى
يا روح الروح و همس البوح
يا توهه مطلعه عينــى
قـــولى لى بس اعمل ايه ؟
وايه اخرتهــــــا وياكى
جيتيلى ازاى وجيتى انا ليه
وليه رمِيتينى فــــ هواكى ؟!
وليه سايبانى وحدى غريق
بعـــد النجم فــ سمــاكى
اقول ارجع واشوف لى طريق
ييجينى طيفك البســــام
اتارى الشوق قتلنى حريق
ولسه لِك فــــ قلبى مكان
ولسه لِك فــــ قلبى مكان
*********
قلم/ حلمى قاسم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى