الرئيسية » مسابقة الشعر العامى » وانا صغير ..مسابقة الشعر العامى بقلم/ طارق سلمح عبد الجواد

وانا صغير ..مسابقة الشعر العامى بقلم/ طارق سلمح عبد الجواد

خاص بمسابقة مهرجان همسة الدولي

طارق شامخ سيد عبد الجواد
جمهورية مصر العربية
فون / ٠١٠٠٠١٧٩١٠١

عامي
وأنا صغير

وأنا صغير قالولي كتير
بلاش تحلم ولا تفكر
ولا تعتل هموم بكرة
ولا تنفخ في نار قايدة
ولا تسأل في مره سؤال
في جوف الليل ح يتكسر
وعيش العمر متغندر
ده متقدر ساعات حنضل
ساعات سكر ولو تقدر
ما تتكدر في عز الضيقة
روح كبر وسيب الرب ف التدبير
وإزرع نخلة أو شجرة
في يوم تكبر وراح تثمر
وهتضلل في عز الحر تتحمل
لهيب الشمس وفوق الغصن
راح يسكن عليها الطير
ووصوني على جاري
أكون حامي على عرضه
على ماله على داره
ووقت الشده أكون جنبه
ف وقت الفرح يلقاني
وقالوا كمان بلاش تبذير
وشم الورد في آوانه
ولما كبرت وإتسطر
ربيع عمري في كام دفتر
لقيت الطين بيتألم
ولون الأرض متغير
وشفت الحق متصلب
ومتكفن بشال أسود
ومش مسموح لي إني أبكي
على حالي في يوم أخبر
وممنوع إني أتوضى
وأصلي ف أرضي وأكبر
وشلت الهم من بدري
عطشت كمان وقلت أصبر
رويت الورد من دمعي
عشان البحر متعكر
ولون الميه مش عادي
بلون دمي صبح أحمر
ناديت جاري ناديت أهلي
لقيت جاري سكن داري
وحرم أهلي عشب أخضر
على طيري إل كان راضي
ومن ظلم البشر أجبر
يسيب الغصن في العالي
ويدهن شكله ب الماسكر
ويهجر عشي وزماني
زمن فيه الشجر أسمر

بقلم /طارق شامخ عبد الجواد

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

تعليق واحد

  1. قصيدة متسلسلة الافكار تروي معاناة شعب وظلم البشر …كلمات بوح شاعري حزين ومعبق بالاحساس الراقي لشاعرنا القدير طارق شامخ نتمنى له النجاح .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *