الرئيسية » مسابقة الشعر العامى » وبتسافر ..مسابقة شعر العامية بقلم /أسامة صبحى محمد من مصر

وبتسافر ..مسابقة شعر العامية بقلم /أسامة صبحى محمد من مصر

اسامه صبحي محمد
ت.01007556161
قصيدة بالعاميه المصريه
اسم القصيده
وبتسافر.
وبتسافر وانا وحدي
وبلمح طيفها بيعدي علي خدي
فتسمح دامعه مقتوله ما بين رمشي
م هي الدمعه كمان زيك
بتاخد نورها من ضيك
وانا ساكت في بركاني
د كفك هو عنواني
وبتقولي يومين وارجع
وبتقولي كلام يوجع
وانا محبوسه انفاسي
اخاف انطق باحساسي
واخاف من بكره يتاخر
واخاف حتي وانا ناسي
هقول لك ايه في حلم جميل
واخدني بين نجوم الليل
ادور علي القمر بدري
الاقي العتمه من بدري
تقول يكفى انتظار بدرى
وتيجي سيرتك الحلوه
ارتل في الفضا غنوه
فيتسحب وتر عشقي
بلحن الحب والنشوه
علي قوس الحنين عندك
فيندهلك وانا اندهلك
اضمك حته من اهلك
فترجع روحي تتنسم
واتنسم عبير عشقك
واسمع صوتك النادي
واسمي يبقي اعيادي
علي شفه بصوت هادي
ونرجع جوا عشتنا
كناريا صوتها لغوتنا
واسيب نفسي كده للريح
علالي واقتل التجريح
وانسي فرقة الايام
واتذكر في ليل احلام
ما هو غيابك تعب عيني
د حتي النوم مجافيني
وايامي بتتعارك مع سنيني
وانا واقف ومستنظر
اشوف طيفك بلون اخضر
ونتلاقي علي شطك
وفنجانك كتب حظك
تسافري انت واستنى
تعودي ترجع الجنه
خلاص سافري وانا ساكت
ولوني لو صحيح باهت
فيوم متقولي رجعالك
هكون قمرك وليل زاهي
واكون من لونك الباهي
واكون شمسك وتتباهي
باني وحدي مستنظر رجوع بدري.
اسامه صبحي محمد
23/2/2016

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *