الرئيسية » مسابقة الشعر العامى » وبقولها ..مسابقة شعر العامية بقلم / حسام نسيم من مصر

وبقولها ..مسابقة شعر العامية بقلم / حسام نسيم من مصر

مسابقة العمية
حسام نسيم من مصر
#وبقولها
قليل الوصف لو يوصف
حجات منك
ويكتر قولي علي وصفك
ف تبقي كبيره علي سنك
يانور الشمس هنا ع الارض
يا لهفة بتيجي وقت الفرض
يا فيلم رومانسي انا شايفه
في شاشة العرض
يا ساكنه جوا مني ضلوع
ياقايده ف نن عيني شموع
ياساجده في الصلاة بخشوع
ياعين قلبي اللي لو شافت
تطل عليكي وسط جموع
انا بيكي منيش ف الكون
انا عايش وزي ماكون
يامحلي سهري في عنيكي
ياملياني دفا وسكون
ياساكنه ف عقلي ووريدي
يافرحه جتلي في عيدي
يا اول حب انا عشته
ف زيديني كمان زيدي
لا كان حبك دخل حسبان
ولا كانله في بالي مكان
ولا فكرت اكون ليكي
معاكي دقت احلي حنان
ومين انا شفته يشبهلك
في طيبة القلب وحنانك
ومين انا شفته يشبهلك
في عشقك ليا ف زمانك
ياروح وباشوفها قدامي
يافرحه تحلي ايامي
ياحلم بيجي ونا صاحي
ولما بنام باشوفك بردو منامي
دا عنوان حبك الغيره
واول سطر فيه الادمان
ياقصة طويله وكبيره
ما يفهمها بشر انسان
انا شايفك سكوت الليل
في وقت الفجر
وقلبك حر زي الخيل
مايعرفشي مكان للهجر
عيونك نهر في الجنه
ملوش في الجنه دي نهاية
ياريت نهرك دا يستنه
عشان هيكونلي انا بدايه
واحن ازاي انا لغيرك
وهعشق مين
دا حبي لقيته علي ايدك
دا حب سنين
ومين غيرك هيحلالي
السهر في عنيه
وفين هالقي الحنان بعدك
في لمس ايديه
ياروح مني ومساني
يابنت جميله اطباعها
في كل ظروفي حساني
يانور من نور
يازهرة فريدة من نوعها
متطلعشي في وسط زهور
يا احلي من قمر ليلي
يا احلي من شعاع النور
لا انا عارفك بقالي يومين
ولا حتي كمان شهرين
دا كل دقيقة في حبك
بميت الف الف شهور
ومهما اوصف حجات منك
ويكتر قولي علي وصفك
فا تبقي كبيره علي سنك
وتبقي في اي ليل عتمه
احلي من شعاع النور

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *