مسابقة الشعر العامى

وبين النجوى والنشوى .مسابقة الشعر العامى بقلم / أحمد نادى عبد الرحمن بهلول


مسابقة الشعر العامى ..قصيدة وبين النجوى والنشوى ….احمد نادى عبد الرحمن بهلول ….مصر اسيوط ديروط
وبين النجوى والنشوى
كلام وكلام
واحلام بنرسمها
طريق للعمر
ونور البدر حولينا
بساط مفرود
وايدى للامل جناحات
وفجر
بينده فى ظلام الليل
وايديها بتتسحب
من ايدى
بخوف ودموع
اتاريها كانت عارفه
قدرى والمكتوب
و عارفه اننا بنحلم
وان النور ده مش نورنا
وان طريقنا مش واحد
وكل طريقنا
مليانه تملى شوك
فقلت يا واد وليه تبكى
وليه تحزن
وليه تجرى من المكتوب
ولماعنيى ف عينيها
لقيت الدمع ده بيجرى
على احلى خدود
مسحت الدمع بايدى
وقلت فى نفسى اه اه
ما تظلمشى
يا واد ضحى عشانها وقوم
يا واد روح وروحها
لحد الدار
وقالت كلمة
وكانت
اخر المشوار
قالت خدنى لموالك
وطيبتك انت واشعارك
فردت عينى بدموعى
والمى جوه فى ضلوعى
وقلمى الحلو جنبيا
عرفت ان دى احلام
وان الدنيا كلها
اوهام
وان الدنيا
كلها اوهام

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق