مسابقات همسهمسابقة الشعر

وجعك مرتاح..مسابقة شعرالعامية للشاعرة / سماح مصطفى ابو سنة من مصر

مسابقة شعر العامية

**************

مسابقة شعر العامية

**************
وجعك مرتاح

************

ولإنك عارف مواعيد الجرح أما بينزف
بتحضر قطنك وتطيب
ولإنك طيب ع الآخر
الخير جواك بيتاخر
ويوسع للشر مكان ويضايفه
خليه على راحته
وبراحتك
فك الأيام من على وشك
فككو جسمك
وباعوه خرده
……………….
النهرده وكالعاده
القصه المعتاده
نزلت أسأل على سعر الحب
واتمنيت يكون ف ذياده
وكالعاده
لقيت اليافطه منداسه
حقيقى حساسه
يامشاعر بتتاجر ف بيعه خسرانه
بأمانه
وجعك مرتاح
فازاى تخلى براح النور
يدخل اوضتك
ويملاها افراح
الفرح ف وطنك مستلفه
الفرح ف شعرك
اخدو عليه وصل أمانه
بأمانه وجعك مرتاح
فاسهر على راحته
………….
ولإنك تاعب نفسك ع الفاضى
بتدور على اى محاكمه
وتلعب فيها دور القاضى
جواك ثاير . جواك هادى
جواك ابيض
لو لاقى الفرصه راح يبهت على كل سوادى
……………
وبنفس العادى
لأنك عارف مواعيد ترحالك
بتحضر شنطك وتسافر
طريقك من وقت ماجالك
بيهد الحيل من غير ماتعافر
عافر
وابعت قصايد وجعك هى اللى تهاجر
لو راحتك انك تؤمن بالشر
خليك كافر
…………
ولأنك من قت ولادتك
مش عارف مواعيد موتك
بتموت ف اليوم
مليون مره
ولإنك من جواك مدفون بره
ومخلى مشاعرك ع الفطره
بيفاجئك بكره بأحزانك
ويبدل خوفك بأمانك
مع ان حقيقى بإمكانك
تهزم بكره
…………
على فكره
من كتر الدمع هتقدم سلفه على عيون تانيه تساعى الدمع
وهتعلن أدام الجمع
خوف الخوف المسجون فيك
على مدد الشوف هتشوف اعاديك
فبطلل تلاكيك
وبدال ماتحضر قطن جراحك
داوى جراحك
بنفس الطيبه
وبنفس ايديك
**************
سماح مصطفى أبوسنة
مصر

************

ولإنك عارف مواعيد الجرح أما بينزف
بتحضر قطنك وتطيب
ولإنك طيب ع الآخر
الخير جواك بيتاخر
ويوسع للشر مكان ويضايفه
خليه على راحته
وبراحتك
فك الأيام من على وشك
فككو جسمك
وباعوه خرده
……………….
النهرده وكالعاده
القصه المعتاده
نزلت أسأل على سعر الحب
واتمنيت يكون ف ذياده
وكالعاده
لقيت اليافطه منداسه
حقيقى حساسه
يامشاعر بتتاجر ف بيعه خسرانه
بأمانه
وجعك مرتاح
فازاى تخلى براح النور
يدخل اوضتك
ويملاها افراح
الفرح ف وطنك مستلفه
الفرح ف شعرك
اخدو عليه وصل أمانه
بأمانه وجعك مرتاح
فاسهر على راحته
………….
ولإنك تاعب نفسك ع الفاضى
بتدور على اى محاكمه
وتلعب فيها دور القاضى
جواك ثاير . جواك هادى
جواك ابيض
لو لاقى الفرصه راح يبهت على كل سوادى
……………
وبنفس العادى
لأنك عارف مواعيد ترحالك
بتحضر شنطك وتسافر
طريقك من وقت ماجالك
بيهد الحيل من غير ماتعافر
عافر
وابعت قصايد وجعك هى اللى تهاجر
لو راحتك انك تؤمن بالشر
خليك كافر
…………
ولأنك من قت ولادتك
مش عارف مواعيد موتك
بتموت ف اليوم
مليون مره
ولإنك من جواك مدفون بره
ومخلى مشاعرك ع الفطره
بيفاجئك بكره بأحزانك
ويبدل خوفك بأمانك
مع ان حقيقى بإمكانك
تهزم بكره
…………
على فكره
من كتر الدمع هتقدم سلفه على عيون تانيه تساعى الدمع
وهتعلن أدام الجمع
خوف الخوف المسجون فيك
على مدد الشوف هتشوف اعاديك
فبطلل تلاكيك
وبدال ماتحضر قطن جراحك
داوى جراحك
بنفس الطيبه
وبنفس ايديك
**************
سماح مصطفى أبوسنة
مصر

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق