ط
مسابقة الشعر العامى

وفرشتلك روحي يوميها . مسابقة الشعر العامى . بقلم / طارق فريد .مصر


( وفرشتلك روحي يوميها ).. قصيدة عامية للشاعر \ طارق فريد القاهرة .01227638686

وفرشتِلك روحــي يوميها
مع أول همسـة
بُحـت بيـها
وقطفـــتلك م الدنيــا وردة
شايلة عُـمري
ليـك يفـديــها
ورويت المُر في شفايفك
من كاس حرمـاني يرويـــها
وحفرتلِك على وش القمر
صورة…..
كانت حياتي كل لياليها
كانت الدنيا من حَوالييه
يوميها
ابتسامة …..
وانت كل ما فيها
لسه فاكر ستاير الليل
وهي بتتمايل
على نغم خطـــاويها
ولما كان حُضن القمـــر
يفرش نـوره
من ضـي عنيـــها
كان العِشق له طعم ومعني
والخمر بيسكر بلمسة
مني ليها ..
وف لحظة ……
نِسيت اللي ليك
كنت جنبي
حبك همسة
بتدور عليك
غيابك عتابك
مُر صابك
وبان بنظرة عنيك
تنادينــي بلمســـة
فــــارد إيديـــــــك
آجـــي اضُـــــــمك
الاقــي حـد تـــــاني
مش هي دي عنيك …
وانــت جنبــــــــــي
حاضر وغايب عني
ومش لاقـــــيــــــك
أتابيك تُهـــت منـــي
وضاع أملـي فيــــك ..
خسـارة ع اللي راح
ومارجعـش
باع وخان وما نِدمـش
يروح ياقلبي بسـكة الندامة
وانت عليه ماتزعلـش
لا تسال فيه ولا تخاف عليه
سيبه يتوجع
وما تســمعش
بكره يفوق م اللي فيه
لكن اوعي تروحله
ماترجعــــش
عملت اللي عليك واكتر
وصُـنت ناس
ما تستاهلــــــش
أدينا بنتعلم مهما نكبر
ان الزرع بأرض بور
ماينفـعش….
ليه راح الاحسـاس
حتى النبض إتبدل
وماعدش له اسـاس
ليـــــه الطعم اتغير
مع انه نفس الكاس
وليه البرود صابك
وراح منك الحماس
ليه مافضِلتش انت
أعز الناس…..! ………..( طارق فريد)

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى