ط
مسابقة الشعر العامى

وقت الغروب,مسابقة الشعر العامى, بقلم / محمد عبد المنعم منعم,مصر


وقت الغروب
وفى نفس المكان
اللى خطاويا خدتنى ليه زمان
جيت اودع قلب .راهنت عليه سنين
ووهم يوم فكرته حب. وشفايف كانوا كدابين
جيت وناسى اشتياقى .وقدرت اموته
والنهاردة كبريائى. بيعلن كلمته
لوحتى بعد رحيلك رافضانى كل الدروب

قبل ما تغيب شمسك وشمسى .انا خليتها شاهد عيان
انك ف يوم كنتى نفسى. وانك دلوقتى مالكيش مكان
مش هاشوفك حتى طيف . لو تكونى نور عينيا
لو يعيش قلبى ف خريف. لو جراحى تئن فيا
جيت وناسى اشتياقى وقدرت اموته
والنهاردة كبريائى بيعلن كلمته
لو حتى بعد رحيلك رافضانى كل الدروب

انا مش طير بجناح مكسور.علشان بعدك يوم يهدمنى
ليلى هيسكن فيه النور. جرحك ايه دا عشان يالمنى
مش هتاثر فيا دموعك . حكمى خلاص اصدرته عليكى
يا اللى طفيتى ف القلب شموعك.دوقى م جرحى ان كان يرضيكى
جيت وناسى اشتياقى وقدرت اموته
والنهاردة كبريائى بيعلن كلمته
لو حتى بعد رحيلك رافضانى كل الدروب

وقت الغروب

كلمات
محمد عبد المنعم
منعم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى