الرئيسية » الشعر والأدب » وكأنك .مسابقة الشعر العامى بقلم / عزة الزرقانى من مصر

وكأنك .مسابقة الشعر العامى بقلم / عزة الزرقانى من مصر

وكأنك …………
وكأنك
بتجيب الماضي ف عمرى
علي طرف لساني
وتحكي عليه
وكأني الطفلة
اللي بتسمع
إركان القلب بتتحرك
ولاتعرف ليه
إزاى كده
ممكن تسكني
من غير مفتاح
وتلملم كل شظايا القلب
وتبدل عتمته بصباح
هو انت الحلم المتخبي
جوه الاحلام
اللي بتهرب مع كل مباح
ولا انت الصعب
المحاوطني
مع انه متاح
وحياة الغالي
تفهمني
أنا نفسي إرتاح
لا الورد بشوكه
يفرحني
ولادمعه هتجيب
أفراح
متقولش سماح
وكلام عايم
زى الافلام
وأصحى وأنام
الاقيه دايب
جوه الأيام
لا انا قادرة أصدق
منه حروف
ولا عارفة أضمه وأرميه.
ف ظروف وهاموت م الخوف
ومانيش عارفة
ان كان الحلم
هيبقي حقيقة
واتهني وأشوف
الفرحه بتتمايل. وبترقض بلدي.
واناوسط الوف.
ولاسن القلم اللي كتبني
كان ايه مقصوف؟.
متعشمنيش ياكتاب عمري
. بإ مل مغشوش
ياتهدي الرعشه اللي ف قلب
ي ياتغمي عيوني .
مش عاوزه اشوف .
عزة الزرقاني

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

هل أتاك حديث قلبي..قصيدة للشاعر / رشيد حمانى . الجزائر

هل أتاك حديث قلبي {1} يَا حَبِيبي لا تُفَكِّرْ فِي الرَّحِيلْ ياحَبِيبِي كَيفَ تَسْلو اليَومَ …

4 تعليقات

  1. من الروائع بالفعل للشاعرة المصرية عزة الزرقانى
    التى أتمنى لها الفوز ان شاء الله فى مسابقة الشعر العامى
    فهى شاعرة متميزة لها الكثير من الأبداعات التى تؤهلها للفوز دوما
    خالص تحياتى للجميع.

  2. نجوى عبدالعال

    الشاعرة المتميز دائما استاذة عزة من الشاعرات المتميزين فى الاسلوب فه لديها خصوصية شديدة فى الابداع اتمنى لها التوفيق دائما فهى اضافة للادب والادباء

  3. بالتوفيق لكم انشاءالله يا استاذة عزة

  4. الشاعرة المتميزة على الدوام ذات الأسلوب الراقى
    السهل الممتنع كلماتك تصل إلى العقل والقلب بسهولة
    اتمنا لكى التوفيق والازدهار والرقى
    إلى الشاعرة المتميزة
    ا/عزة الزرقاني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *