الشعر والأدب

ولا عمري هاكون دوبلير.قصيدة للشاعر / محمد زهران

أنا مش طه أو فولتير
ولا نصي جرىء ساخر
كنصّ موليير
أنا شاعر مليش مسرح
حزين جدا علي منحوس
وف الغالب بروح واسرح
علي قهوة علي ركية
مع الدخان يطير شعري
ولا يفضل حجر مرصوص
واسمّع شعري للعابر
عارفني القاصي والداني
طبيعي شكل تفعيلتي
غريبة نص أوزاني
بجدد ف العروض والشعر
وباركن كل أحزاني
واقفلك صد للقادم
وباشهر سيفي واتصادم
وابيع أهلي عشان أهلك
واقول الفرح يستاهلك
كبرت وكلي مُستهلك
وبادفع بس ، ولا بتحس
ولا بالقالي خط دفاع
ولا بيسندني خط النص
منيش عارف هقولك إيه
ولا سمعتش في يوم ضحكة
ولا شفتش بنص جنيه
ولا صقفة ولا تقدير
لكن مؤمن بحبك موت
ولا عمري هاكون دوبلير

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق