الرئيسية » مسابقة الشعر العامى » وليه تكابر ..مسابقة العامية بقلم / جهاد زيادة من مصر

وليه تكابر ..مسابقة العامية بقلم / جهاد زيادة من مصر

الشاعره جهاد زياده. (خاص بالمسابقه)
عاميه…جمهورية مصر العربية. .القاهره
(و ليه تكابر)
و ليه تكابر .!
و انا عابر سبيل قلبك
عشان للحب أتسول
و فجأة الفكر يبتدل
ما بين ناسي وبين فاكر
و لا قادره ساعات النبض تتحرر
و لا تحرر قيود العشق من أسرك
لاقيتني باعيش ف أحلامي
و عمري اللي فرط دامي
حسبت حسابي من تاني
و عيدت العمر م اﻷول
شاورت لدنيتي ..هدي
و قلت للوجع…عدي
لاقيت وجعي بيتوجع
و سابقه خطوته قدي
فا ليه تنسي .؟
و ليه تقسي.!
و ليه ع الحب دا تقول.!
و ليه شايف
أوان القلب مقطوف لك.؟
و ليه دايس
علي القلب اللي مخطوف لك.!
و ليه قاطع
حبال الوصل ما بينا. !
و حبل ودادي ويا الوصل موصول لك
و ليه عن حبي تتحول
و تتحول جسور الحب
بين قلبي و بين قلبك فتقتلني
و يبقي الهزل في جدك
كأن الهزل موصوف لك..
ولا تحسش..
و لا تحسش بإن الكبر في صدك
بيألمني
فحررني و لو مره
من الكبر اللي مأثور لك
مفيش فايده من النسيااان
معااديني
مخليني كما التايهه
ما بين نفسي و بين بيني
و مش قادر يكون قادر ينسيني
لكن قادر يخللي الذكري تحييني
تموتني
و ترميني و ترسمني
علي جدارك ألم حاير
و بتكااابر
و انااا …بدفع تمن كبرك
و باعتبرك كما الشريان ف تكويني
و تكويني سنيين بعدك
و صبر الصبر لو يصبر علي صبرك
انا صبري ماهوش صابر
سنين عدت
ف ثانيه عشتها بعدك
فا وضيت قلبي بفراقك
و صليت ركعتين لله
و سبحت 200مره
يا رب بقدرتك أنساه
يا رب بقدرتك أنساه
يا رب بقدرتك أنساه
و حتي دعوتي بتنهاار
و كبرك ليل و ماله نهار
و عشت البعد ف استغفار
عشان تغفر
لكن كبرك ماهوش غافر
فاحط العند 100مره علي عندك
عشان عندي ملوش آخر
و لو يخلص
هاعيد العند من تاني
و هبدأ عندي م اﻷول
و اقول لحنانك اتااخر

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *