مسابقة الشعر العامى

ومتحبتش..مسابقة الشعر العامى بقلم /عماد الدين على عبد السلام من مصر

خاص بالمسابقه
شعر عاميه .. بقلم / عماد الدين على عبد السلام –
……………………..……..
ومتحبتش
من يومى
ولا حبيت
ولا سهرولى
وقفولى
قصاد البيت
ولا كتبوا ف عيونى شعر
ولا حطوا لوصالى سعر
ولا اتمنوا
ازيد منه
ولا داب
اللى اغيب عنه
ولا اللى يشوفنى قال انه
خلاص بيموت
ولا استنونى
ع الناصيه
لحد ما افوت
ولا رسمونى ف اللوحه
وجنبى بيوت
ولا تليفونى متسيف
على تليفون
رقيق
احمر
ولا اتقال لى
دا قلبك
قاسى
متحجر
ولا اتغنى لى
اغنيه
بصوت انغام
ولا واحده
بتتلكك
وتسألنى
هى ساعتك كام ؟
ولا كرهونى لما اتقل
ولو سهروا
وقلبى ينام
ولا نقوا لى
من بيرم
وشعره
كلام
انا من يومى
متصاحب
من الصبيان
لا عمرى
لقيت
ف يوم توكه
ولا حتى
ندغت لبان
ولا اتفرجت
على ( فاطمه )
ولا لقطه
ليه اتفرج ؟
دا انا واصحابى
ف ساعتها
بنضرب بعض
ونهرج
انا دفيان باصحابى
لكن قلبى
متكتك برد
صحيح بضحك
لكن نفسى
اجيب
فى مره
صحبه ورد
واظبط روحى
واتشيك
واهدى الورد
مره ……………….. لحد
عمده

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق