مسابقة الخاطرة

يااه ياقلبى..مسابقة الخاطرة بقلم / البتول العلوى من المغرب

يااه ياقلبى

النهارده ليه ياقلبى
دقتك ليها شكل تانى؟
دقة بتقول عايزه اغنّي
والساعات بتفوت ثوانى
ليه دا كله إيه جرالك؟
شوفت إيه غيّر فى حالك؟
رد قاللى حبيبى جاني
صوته اجمل صوت نادانى
إمسحى ياعيون دموعك
فين مكانك يا مراياتى
آدى كحل وروج وبودرة
آادى أجمل برفاناتى
وادى شكل جديد لشَعرى
نفسي يجى حبيبى بدرى
حاسّة قلبى خلاص بيجرى
يحضن الشباك عشانى
وف ميعاده رحت اقابله
عدّى وما بصش عليا
قولت يبقى قلبه قال له
هاتلها فـ ايديك هدية
دق قلبى م السعادة
ألف دقة كمان زيادة
واتصدم ساعة ما شافه
جى فإيده واحدة تانية
ياااه ياقلبى…..
ياللى جرحك كان مدينة
ارمى فرحك بره منك
واعزف الدقات حزينة
النهارده شكل تانى
بس شكل غريب علينا
النهارده الدنيا ضلمة
والدموع ماليا عينينا.

البتول العلوي / خاطرة صنف العامية
من ديواني “من بوح الهوى” 2006 فاس-المغرب

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق