الرئيسية » الشعر والأدب » ياحضن دافى ياقلب وافى .قصيدة للشاعر / عماد الشاعر

ياحضن دافى ياقلب وافى .قصيدة للشاعر / عماد الشاعر

Spread the love

عماد الشاعر
هذه القصيده
اهداء لامى ولكل ام
رحلت عن دار الباطل
وسكنت فى دار الحق

********

ياحضن دافى ياقلب وافى
يانهر بيجرى جواه العطاء
ياشيله عنى حمل كتافى
من غيرك يامه ماليش بقاء
***************
انتى اجمل صوره فى حياتى
مهما شوفت فى الدنيا جمال
فى عز حزنى بنسه اهاتى
لما يدافينى حضنك بدالال
ياشمس قلبى ياقمر ليلى
دعاكى لى ده كان دليلى
انا محتاجلك اوى تعاليلى
او ابعاتى طيفك من السماء
****************
ياحضن دافى ياقلب وافى
يانهر بيجرى جواه العطاء
****************
مشتاق والشوق دوبنى دوب
ونفسى اقعد معاكى ثوانى
يامه تعالى انا مش ايوب
علشان اقدر اصبر تانى
ياجنه دوميها فى احضانك
ياملايكه راعيها بحنانك
لسانها كان زى لسانك
امتى يحلى بينا اللقاء
***************
ياحضن دافى ياقلب وافى
يانهر بيجرى جواه العطاء
****************
يامعلمانى الصلى والصوم
والخوف من ربى علطول
يامدرسه فى كل العلوم
وكل شئ عندك محلول
الجنه تحت قدمك شويه
ياريت ربى ياخد عينيا
وشوف بعينك الدنيا ديا
يمكن يرحل عنى الشقاء
****************
ياحضن دافى ياقلب وافى
يانهر بيجرى جواه العطاء

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

الجزائر والمصاب الجلل .قصيدة للشاعر محمد ماجد دحلان.( شاعر الصومعة) فلسطين

Spread the love قصيدة (((الجزائر والمصاب الجلل!!!!!))) طائرة تسكب الموت على ارض الجزائر تعلو اصوات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *