مسابقة الشعر العامى

ياساكنة .مسابقة الشعر العامى بقلم / حلمى قاسم من مصر

الأسم/ حلمى قاسم على

مصر _ محافظة قنا

خاص بمسابقة الشعر العامى

” يا ساكنه”
****************
علـــــــــــى حُبها مفطوم

بَصحى واقـــــوم

ما بقــــــــولش غير يا امه

يا ام الـــوفا تراتيل

قلبك سبيـــــــــل

يروى قلــــــــــوب العاشقين

والمشتاقين للحض والضمه

مدى كفوفك يا حبيبه وقربى

ضُمــــــــــى الصبى

حنى علىّ وطبطبى

وده مطلبـــــــــى

اتبسمى من قلبك الطيب قوى

اسقينــــــــــــى حد ما ارتوى

ما انا اصل عاشقك بالقــــــوى

مــــــــــع انى مش قادر ابوح

لكن قليبى من هواكى بينشوى

يا كل حاجه جــــوه منى كامنه

يا سَاكنه ف القلب وف نبض الوريد

يا قريبه حتــــــى ولو كنا بعيد

لمـــــــــــــى الشريد

املى كفوفك بالحنان

صبى على قلبى العليل

آن الاوان

مدى ايديكى واقطفى طرح النخيل

ادينى من خيرك ادوق

واطلع لفوق اقطف عناقيد الرطب

واجمع حطب

يحميكى مـــــــــــــــــن برد الشتا

وارمى على كتافك شيلانى وهدمتى

ما انتـــــــــــــــــى طريقى وسكتى

وانتى صحابى وعزوتــــــــــــــى

وانتى اللى من قلبى الرهيف متمكنه

يا سَاكنه
**************
قلم/ حلمى قاسم

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

‫5 تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق