الرئيسية » مسابقة الشعر العامى » ياعمي الموظف..مسابقة الشعر العامى بقلم / طه ابراهيم سيد من مصر

ياعمي الموظف..مسابقة الشعر العامى بقلم / طه ابراهيم سيد من مصر

مسابقة مهرجان همسه الدولي لعام 2016
الاسم / طه إبراهيم سيد
العنوان / جمهورية مصر العربية
ت / 01027224646
خاص بالمسابقة عاميه

ياعمي الموظف

@@@@@

ياعمي الموظف ياعمي المدير
يا شايل همومنا بذمه وضمير
يا فاهم وعاقل وعامل خبير
جمايلك يا باشا علينا كتير
تحب الغلابه وقلبك كبير
تحل المشاكل وتحمي الفقير
وعارف ظروفنا وسرك ف بير
ف عهدك يا باشا لبسنا الحرير
ياعمي الموظف ياعمي المدير
يا شايل همومنا بذمه وضمير
@@@@@

وشقه ف أوضه وأوضه سرير
وشباك موصل لحد الحمير
وخلتي أم فكري بتشكر كتير
وطلبه المساعده ف قله وزير
وجوزها اللي عايز وظيفة خفير
بيحلم وحلم الغلابه صغِير
بيحلم بعشه وفيها البعير
ويقدر يعشي البهايم شعير
ونومه مريحه ويشبع شخير
ياعمي الموظف ياعمي المدير
يا شايل همومنا بذمه وضمير
@@@@@

وعمي عليوه شحاته الضرير
مصمم يجيلك بشنطة فطير
هتاكل صوبعك وعقلك يطير
وتأمر جنابك بمطلب أخير
بهدمه ولقمه وحبة حصير
ومطرح صغير بطينه وجير
قناوي ابن عمي موظف أجير
واخويا الصغير واخويا الكبير
وكل القبيله بتشكر كتير
وصوتهم مسجل ف قلب الاثير
ياعمي الموظف ياعمي المدير
يا شايل همومنا بذمه وضمير
@@@@@
بقلم / طه إبراهيم

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

كان حب شديد. مسابقة العامية بقلم /سامح كمال عزت المنواتى.مصر

خاص بالمهرجان ( عاميه ) ( كان حب شديد) إنسى أى كلام من تانى دا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *