ط
مسابقة الشعر العامى

ياعم يادفان ..مسابقة العامية بقلم /محمد عاطف عبد المنعم من مصر

قصيدة عامية : ياعم يا دفان
الشاعر : محمد عاطف عبدالمنعم
البلد : مصر

يا عم يا دفان
ابنيلى قبرى
مليت انا احزان
وفاض صبرى
كل يومين بنترحم
على رماد ومتفحم
وطنا العربى عطشان
وعلى الدم بيتوحم
ملاعيين من تراب
وبيخلقوا الاسباب
كفروا بالاديان
وبيعبدوا الارهاب
يا عم يا دفان
معدش بينا امان
الغدر فيها محاوطنا
والقتل ف كل مكان
ارهابى خان بيهد
بانى ل عدوه سد
خايف منه يقرب
ل بالف ضربه يرد
بيحرق ف اخوه ويفجر
بيسمى عليه ويكبر
فاكر انه رب الكون
وعن غضبه وبيعبر
ياعم يا دفان
دفنت كام انسان
منايا يجينى الدور
وليك هروح اجرى
ياعم يا دفان
ابنيلى قبرى
مليت انا احزان
وفاض صبرى

 

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى