يا أولياء الله مدد
الغربة تقلت حملها
والجتة بتسرب جلد
أمي غريبة ف أرضها
تقلان عليها حملها
طاب فادها ايه خلفة ولد
يا اولياء الله مدد
العودة موصولة بفرح
تحلم بخط النور يمد ويتفرد
أوّل ما تمشي سكتك
لكن تلاقي مفاجئتك
الحلم فجأة بيتوأد
يا أولياء الله مدد
في اسكندرية جبتلكوا
أطلب وصالكوا وودكوا
ومشيت بهرول من هنا
خدني الطريق للسيدة
وجريت علي مركب قنا
لما وصلت حميثرة
ناد الامام سبط النبي
وركبت روحي وبنتفض
ف طنطا ودسوق البلد
يا أولياء الله مدد
معمورة عامرة بطهركوا
ارضوها وارضوا عنها
أمي الحبيبة بارضها
وتمد ايدها ف الخريطة
وتتوجد
والسد معول حربكوا
يضرب بأطوار الهدد
يا أولياء الله مدد
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
