الشعر والأدب

يا خوفي ..للشاعرة / هناء نوار

هناء نوار
بكلمك …

و كإنى عارفاك من زمان
و الاقي قلبي يحن لك
و روحى هايمة ف المكان
و استنى صوتك ف ودانى
يقول : حبيبتى .. واحشانى
بحس روحك تنده لى
و هواك مشقلبلى كيانى
كل اما اشوفك بتلخبط
من فرحتى القلب يزأطط
اﻻقى روحى بتتنطط
ع العشق .. ايه ناقص تانى
ساعات بحس انك إبنى
و الشوق لعندك بياخدنى
و اسرح بعيد أوى بخيالى
و أنيّمك جوا ف حُضنى
و لما تشبع حنيّة
تقوم تبصلّى فِ عنيا
و أتوه ف وسط عنيك دِيا
و ادوب ف حبك فِ ثوانى
يا خوفى لو تبقى أنانى
و تقول لقلبك ينسانى
و ف لحظة تبعد عن قلبي
و تسيبه عايش وحدانى
ساعتها مش حقدر اسامحك
مهما عنيك تترجانى
و اقولك الله يسامحك
دى قلوب كتير تتمنانى

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

شاهد أيضاً

إغلاق
إغلاق