الشعر والأدب

“يا ريتنى” للشاعر / حلمى قاسم

حلمى قاسم 2
****************
يا ريتنى مـــــا كنت حبيتك
ولا كان لى معاك ذكرى
يا ريتنى عميت وما وعيتك
ولا فكرت فـــــى الفكره
كانت غلطه تمنها كبير
كانت نداهه ســرقتنــــى
رمتنى جـــــــوه قعر البير
خـــــــدت قلبى وفرقتنى
متاهه وفيهــــــــا انا التايه
وقلبك وحده مرسى وبر
لكنه بعيد ومـــــــش رايق
عسل لكن بطعم المر
حاولت كتير اعيش وانساك
لكن طيفك مــــــلازمنى
فى كل مكان اروح بلقاك
كأنك ســــــاكن الننــــى
كأنك صوره منى تمام
وشــــــىء تانى مكملنى
مانيش لاقى لحبك حل
ولا عارف اروح على فين
صبرت وصبرى طق ومل
وداب م الدمع رمش العين
يا ريتنى ما كنت صدقتك
وعيشت سنينى بستناك
يا ريتنى ما كنت ودعتك
ولا جربت يوم اهــــــواك
ولا جربت افارقك يوم
واقول انسى وما بنساك
**************
قلم/ حلمى قاسم

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق