الرئيسية » الشعر والأدب » يا محلا زمان …. شعر / م . محمد الجوجرى

يا محلا زمان …. شعر / م . محمد الجوجرى

Spread the love

محمد الجوجرى

علمونا من زمان
إن الفقر مش عيب
وإن الغنا والجاه
مش بملو الجيب
وقالولنا كمان
أوعى للحق تسيب
وقالوا ماتسيبش
الغنم جنب الديب
وفهمونا وقالوا
كل شيئ قدر ونصيب
العيار اللى يدوش
مش مهم يصيب
ولابد من احترام
الغريب قبل القريب
وإن الخيانه حرام
وجرحها مايطيب
وقالوا عن العشق
ماله دوا وطبيب
وكمان العين والحسد
سهمها مايخيب
والدنيا لما تضيق
ربك فرجه قريب
وكل ذكى ولماح
بالإشاره لبيب
ولكل شيئ فى الحياه
لابد من ترتيب
والعيب من الصديق
اثره بيبقى صعيب
ولازم نفوسنا لبعضها
تصفى وتبقى حليب
وكمان الكدب خيبه
ومايعالجه لوم ولا تأنيب
وابحث عن الحلال
وابعد عن التهليب
واللى يشق العصا
يبقى بينا غريب
وعلمونا إن الدين يسر
لا تخويف ولا ترهيب
وإن الإيمان بالله
مش خوف من التعذيب
تعالوا نفتكر ونصحح
كل اللى فينا معيب
المشكله فى الأخلاق
مش نقص فى الأرزاق
اللى فاهمين الحكايه
بيقولوا فى النهايه
العيب مش فى الخامات
ولا كمان فى التركيب
العيب فى التشطيب
محلا زمان يازمان
زمنا النهارده عجيب

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

الحوت الأزرق قصيدة للشاعر / محمد ثروت

Spread the love قصيدة بعنوان…….. الحوت الازرق توت…. توت قطر صغنتوت كنا بنلعب بيه  ف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *