الرئيسية » الشعر والأدب » يا مسافر..قصيدة للشاعر / حلمى قاسم

يا مسافر..قصيدة للشاعر / حلمى قاسم

حلمى قاسم
********************
يا مســـــافر عكس المشوار

يا معاود للزمن الماضى

وبتسبــــــــــح ضد التيار

فى ضلوعك احاسيس ومشاعر

مـــدفونه فـ جُب الاسرار

منشار بيقطع فى شجونك

والحزن الراقد ف عيونك

بقى واقف صاحى وزنهار

صحيته بشـــوقك لعنيها

وحنينك لجمال حكاويها

ولياليها الحلـــوه وغناويها

والحلم اللى ملوش معيار

محتار و مولع كام شمعه

ومتلخبط بين ضحكه ودمعه

بتتحــــــسر اول ما تفكر

وتعـــــــــــاود تانى وتتذكر

بسمتها وطيبة تقاطيعها

مواضيعها ولمسة صوابعها

واحـــــــــلامك وياها زمان

ويبان الشـــــــوق المدارى

وكإنك مستنى وشــــارى

ومش دارى ببعد المسافات

من بعد ما كانت فى ايديك

وبتدبح روحها وترضيك

دلـــــــــــوقتى الابواب مقفوله

وطريقك بالشوك موحوله

والفـــــــوله انقسمت نصين

فكفايه عليك بس صورتها

تحضنها وتسرح مع صوتها

وتتنهد آهة حرمان
********************
قلم/ حلمى قاسم

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

أيلول ُ ينتظرُني .. قصيدة للشاعر / زكريا عليو

& & أيلول ُ ينتظرُني & &… .. مذْ سقطَ مغرِّباً وجهي جثوتُ على أطرافِ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *