مسابقة الشعر العامى

يعمل ايه الكلام..مسابقة الشعر العامى بقلم / صبرى العيسوى من مصر

…خاص بالمسابقة…
…شعر غنائى…
…بعنوان…
(يعمل ايه الكلام)
………………

أرسم قلبى ف مكانه
وجرى الدم فيه
يمكن يرجع زمانه
ويدور ع اللى ليه
ويعود تانى لحنانه
وينسى اللى مجافيه
أرسم قلبى ف مكانه
وجرى الدم فيه
………..
ف سنين البُعد وحدى
عايش مهموم حزين
ومابين شوقى ووجدى
ويا عذاب السنين
بنداوى ف الجراح
ونمنى نفسنا
نبكى على عُمر راح
ونعاتب بختنا
دا القلب بات حزين
أرسم قلبى ف مكانه
وجرى الدم فيه
…………
أحسب سنين بعادك
شوف عدا منها كام
محروم أنا من ودادك
عايش وحدى ف ألالام
الثانية تفوت ساعات
والساعة تفوت سنين
ف البعد قلبى مات
ومات فيه الحنين
والشكوى ياقلبى مُره
ماتقول لى اشكى لمين
يعمل ايه الكلام
أرسم قلبى ف مكانه
وجرى الدم فيه
……………
دفات القلب باتت
تنده كتير عليك
وسنين العُمر فاتت
وضاعت من أيديك
وانت لسه فاكرها
وفاكر حبها
دى نجومى مش طايلها
ودا حالى بعدها
نفسى ياقلبى تنسى
اللى ف يوم نسيك
أرسم قلبى ف مكانه
وجرى الدم فيه
………………………………..
ل….صبرى العيسوى

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق