ط
مسابقة الشعر العامى

آخر دقيقة قبل الموت. مسابقة الشعر العامى بقلم / عبدالله سيد جبريل محمود.مصر

الإسم / عبدالله سيد جبريل محمود
الشهرة / عبدالله چيفارا
( شاعر عامية )
رقم الموبايل إتصال وواتساب / 01066303911
قصيدة بعنوان / آخر دقيقة قبل الموت

ده عتاب .. أو فضفضة وقت الغياب
وقت أما أكون ميت و روحت لـ ربنا
في آخر دقيقة قبل الموت بكتب لكم
وبكل حـُب بقولكم .. أنا مش هنا

روحت وخلاص .. رييحتكم
من دوشتي وقت أما أكون مخنوق أوي
مانا كان بـُكايا بدون دموع .. وبيتكتم
فـ بخرجه مخلوط بصوت مليان ألم

أنا مش سوي .. !

قولتوها ليا بدون كسوف
حولتوا نور وشي لـ خسوف
زي الرصاصة لما تجيلك مالقريب
قـْرب المسافة قصدي مش قـُرب الحبيب

تافه أوي وحلمك خـُرافة .. !

قولتوها ليا بدون حروف
حولتوا نور حلمي لـ خوف
زي الرصاصة لما تجيلك مالقريب
قـْرب الحبيب قصدي مش قـُرب المسافة

عايش غريب .. رحالة بتنقل كتير بين البشر
وفي كل بقعة أرض باصم بالخـُطىَ ، وأضرب ودع
وكإن مكتوبلي أدوس على كل أنواع الحجر
وكإن مكتوبلي أدوق أنا كل أنواع الوجع

ورغم إللي سار لكني كـُنت .. إنسان جدع

مع أي حد بيقابلني في سكتي
فاتح سبيل لله وماشي بنقط جدعنة
ويوماتي أوزع فالشوارع ضحكتي
وبغني لـ منير غنوة كانت مـُبهجة

لسه الأماني كانت ساعتها ممكنة

لكن خلاص .. أنا مش هنا

بتبكوا ليه ؟ ، وليه عليا زعلانين !
مانا ياما كنت بقولكم إني حزين
دورت ياما كتير عليكم .. كنتوا فين ؟!
الشيخ بيدعيلي بـ حـُب لوحده ليه !
أنا مش سامعكوا وإنتوا بتقولوا .. آمين

من إمتى كنتوا صحاب وكنتوا قرييبين

حضنك يابويا ده كان واحشني من سنين
من يوم ولادتي ليوم مماتي .. كنت فين
جيتلك خلاص لكن زيارتي المرة دي مطولة
أنا إبن حظ وحظي حضن وضحكة بيك مكملة

أنا سيبت حزني عالورق للذكرى يقروه ناس كتير
أنا سيبت ذكرى عالوشوش تشفع لكل إللي إتكتب

وإنت يا صاحبي .. إمسح دموعك وإبتسِم
وإفتح كتاب الله وإدعيلي بـ ضمير
سيبتك حقيقي لكني بدعي يكون ده حِلم
إقعد معايا شوية وإتكلم كتير 💔

روحي يا أمي ودوري وسط الهدوم
هتلاقي صورة وكام هدية وكاب حزين
وتنفضي كل الهدوم من ذكرياتي والهموم
هتلاقي حـِلم خلاص بهت ميت معايا من سنين

وإوعاكي تبكي عليا وتقولي سابني وحدي
مانا كنت موجود طول حياتي لكني وحدي
وإنتي يا أختي ماتزعليش لو كنت قاسي
وإن كنتي زعلتيني نـِمت .. أصبحت ناسي

هتوحشوني يا طيبين .. يا كل ناسي

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى