ط
مسابقة الشعر العامى

آخر دقيقة. مسابقة الشعر العامى بقلم / عصمت عبد الغنى محمد من مصر

عصمت عبد الغنى محمد
مصر- 6 اكتوبر

[email protected]

شعر العامية
قصيدة بعنوان
(آخر دقيقة)

واخدة قلبى وفين مسافرة
زى مايكون الضباب
واللى كان ايدة فى ايديكى
بكرة راح يحضن سراب
بس يعنى أستنى حبة
قبل ماتكون النهاية
قلبى فايض بالمحبة
والدقايق مش كفاية
,,,,
لوفى حاجة خايفة منها
احكى ليا متخافيش
حاجه تستاهل نفارق
ولا حاجة متساويش
دا فراق مكتوب ده ولا
عند بين العاشقين
اضحكى الضحكه ويلا
يلا نضحك ع السنين
,,,,
اللى مكتوب فى عيونك
حاجة بتجن الجنون
مرة أبكى مرة اغنى
مرة تأسرنى الظنون
لما غبتى الشمس غابت
والدقايق بالساعات
أتحسدنا وعين وصابت
وأفترقنا بالسكات
,,,,
كل دة كان ذنبى وحدى
لما عودتك زمان
لوتدارى اوتعاندى
كنت مديلك امان
مين بيجنى الذنب تانى
مين هايسرح بالخيال
مين هايتأثر ثوانى
مين اللى هايصاحب محال .

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى