ط
الشعر والأدب

: آخر شهقه..للشاعر السكندرى/ محمد السيد سعد .تقديم / نادو فتيحة

محمد السيد سعد

شاعر سكندرى

و مقيم بدولة الامارات

اسم القصيده : آخر شهقه

1

مشهد من فيلم حياتك

مالهوش تبرير

ناس فرحانه و ناس بتعيَّط

ناس بتخيَّط كل حقيقه

بِحلم ضرير

و شماتة حالك فـ الماضي

على حالَك بعد التغيير

اصحاب كانو اعز اصحاب

مابقاش فيهم اي ضمير

كلها تخاريف ساكنه الاحلام

بس الاحلام مالهاش تفسير

2

مطحنة الايام بتقطَّع

فـ سنين العمر الدبلانه

و لا شايف شيء ممكن يشفع

و لا يروي الروح العطشانه

انا مُت عشانِك 100 مره

و رويت ارضك بدموع دمي

غمضت فـ عيني و حضنتِك

علشان فاكر انِك امي

صليت لما كعابي اتشقِت

و صبرت الصبر الايوبي

و دعيت من قلبي المِتفتت

و عشانِك شقيت فـ هدومي

طب اعمل ايه تاني قوليلي

مش فاضل غير اني استسلِم

و ابيع للى هيشتري اكتر

صوتي و ابطل تاني اتكلم

3

ساعدينا نبوس راسِك ياما

بطلي توهان مانتيش قده

رخصتينا جوه و بره

حتى الرُخص .. سايق عِنده

افتحي شبابيك رحمِة قلبِك

و خدينا على جزيرة شفقه

طبطبي على وتر الحنيّه

بكفوفِك غنيلنا شويه

لو حتى ثواني قبل ما تِطلع

روحنا و نِشهَق اخر شهقه

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى