انا قلبي عشانك موجوع
وجودك بقى شئ ممنوع
قفلوا عليكي ياقلبي تابوت
ولا انا حبي في قلبك مات
هم كثير وحو طه البيت
علوا السور واقفلوا الباب
كتبوا الدعوه وبعته جواب
ولا بقيت انا من الاغراب
قولي يا حلوه في اي جواب
عريسك حلو ولسه شباب
ولا فلوسهم جايه كثيره
وعايشه يا عيني في مليون حيره
تنسى قلب في حبك داب
ولا تقولي اكتب له جواب
ينسى الحب من غير عتاب
لا يا حبيبتي انا مش هاعتبك
انا قلبي عمره ما ينسى قلبك
حبك دائما جوه في قلبي
دائما انتي اعز حبايبي
واغلى الناس عندي يا عمري
مهما البعد ما بينا يطول
انا فاكرك دائما على طول
صعب يا قلبي اني انساكي
صعب انسي الايام الحلوه
ده العمر انا عشته معكي
يوم الفرحه ما دخلت قلبي
دخلت على ايدك باهواكي
طول ما انا حبي جوه قلبك
عارف اني اعز حبايبك
انا عمري والله ما بعتك
ده انا بسهر جنب التليفون
استنى يا حبيبتي رسالتك
او كلمه تديني اشارتك
انا عايش عمري علشانك
من غيرك ياحبيبتي اناميت
والدنيا حولي اضلمت
يا تعودي والفرحه معاكي
يا قلبي هايفضل على طول ميت
انا عمري ما شلتك من حساباتي
ده انتي الدنيا وكل حياتي
تفتكري انا يوم انساكي
ده انا عمري كله بهواكي
ده انا انسى حياتي ولا انساكي
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
