ط
الشعر والأدب

(أحنُ لأمي )..كلمات الشاعر / مدثر بن يحيى

المدثر بن يحيى
ولسه يا أمي

هاشكيلك
وهاحكيلك

قصص عنى
وعن قلبى
وعن حالى
وعن حبي

وعن دنيا
مابتدمشي
بسهوله
منها بنمشي
..
وعن همى
وحكاياتى

وعن شكلى
فى مراياتى

وعن شارع
بعدى عليه

بحس بفرح
فى حياتى

بدايتى يا أمى
كانت فيه

طفولتى
وأحلى أوقاتى

وحزنى برضه
أصبح فيه

أنا وأنتى
فى طريق
هادى

خلفنا الموت
وسابنى وحيد

لجنه ربنا
الهادى

وكنتِ معايا
فجأة بقيت

لوحدي ضعيف
لكن راضي

صحيح البعد
كاسرنى

صحيح حضنك
بقي ماضى

صحيح الحزن
موتنى

صحيح بعدك
أنا فاضي
..
فى فرحى
نسيت
وقمت بكيت

حزين أزاى
أنا حبيت

وأنتى العشق
يا أمى

فا ليه لغيرك
أنا أتمنيت

سامحنى
ياأكتر قلب
أنا عشقته

سامحنى
لغلطى
ولسهوى
أنا حبيت
..
وهاحكيلك
ومش هبكى

لأنى فرحت
من قلبى

وبعد الدنيا
ماتعدى

هكون وياكى
من تانى

ووعد الحق
طمنى

هاقابلك
يا حياة قلبي
..

وأدى القصه
من الأول

وكان يامكان
وكان شاعر
وكان مليان

حب وفرح
ومشاعر

صبح تعبان
ونال منه
المرض فرصه

وحب زمان
لقى نفسه
مجرد لعبه
أوفرصه

ونام فرحان
بكلمه حنينه
لواحده
فيها منك

وقال من قلبه
يا أمي
لناس يامه
كانو شبهك

لكنه عمره
ما حن لحضن
من تانى

مفيش منك
ومين زيك

أنا بعدك
ببات زعلان

ودموعي ساكنه
على خدى

في كل زمان
حاولت أفرح
مع غيرى

فرحت كتير
لكن واحدي

وأنا باحكيلك
القصه

عشان
أنتى بجد
يا أمى
واحشانى

لكنى عمرى
ما هحكيها
ومن تانى

وكان ياماكان
ملاك شبهك

وفيها حنان
وطعم قريب
من طعمك

وحبتنى وحبتها
وقلت يا أمي
أحكيلك

عسي أرتاح
ويفرحلى
أكيد قلبك
.
.
أنا حبيت

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى