ط
مسابقة الشعر العامى

أم الشهيد بتقول لنا ..مسابقة الشعر العامى بقلم / ميرفت شوقى محمد من مصر

مرفت شوقى محمد
القاهرة
خاص بالمسابقة
نوع المشاركة قصيدة بالعامية

اسم القصيدة (ام الشهيد بتقول لنا)
والله هتفضلى غالية عليه
أنا وولادى وكل ما ليا
اهديكى عمرى
اهديكى روحى
اهديكى ولدى وضى عينيه
ربيته فيها ووصيته بيها
ودوره الجاى انه هيحميها
يحميك يا ابنى
بس اتبعنى
واعرف ان مافيش زيها
مهرها دمك ولا بيهمك
شايل كل الهم فى كفك
لما يشوفوا يقولوا يا بختك
رب العرش كريم يشفعلك
حتى الرقدة محسود فيها !
اصل الدنيا ما بيكفيها
رقصة نعش فى وسط الزفة
اصلها عارفه
راحه تزفك للى املها تكون خدمتك
يراضيك يا ابنى
بس تعبنى وكاسر قلبى

بعدك عنى …فتوحشتك
بس امانه فوت على الباب الحلم وسلم
وانا هحلفلك ها ارقوب عينك مش هكلم
وانزف دمع الحزن فى قلبى
واخطف بسمة وانا بتألم
اصل عزايا انك فى الجنه
وارضنا جنة ربى الواسعة
بس الفارق انك عايش
وانا فى اللحظة
بموت ميت مرة

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى