انت الحياة
النابتة جوه ارض بور
وانت الربيع
من لمسته تحيا الزهور
وانت الشعاع المستخبي
ف قلب سور
يا بسمة تايهة م الصبايا الحور
انت الغياب اللي اترسم
على سكتي اجمل حضور
وانت ف دروب العاشقين
بدر البدور
راح اكون على جبينك ولي
وانقش ضريح للاوليا
واعمل نبي
ويكون غرامك هو ديني ومذهبي
واستنى اكونلك لو يدوب
جرة قلم فوق السطور
او غنوة هاربة من دولاب الذكريات
تغزل اهات الحزن ف عيونك سرور
