مسابقة همسة لشعر العامية 2017
الاسم علاء محمد أبوذكري
جمهورية مصر العربية
محافظة المنوفية -بركة السبع
اعمل بالخارج
موبال رقم 0508361463 جدة السعودية
——————-
من صغري عاشق
==========
من صغري عاشق
بعشق الالوان
عاشق خضار أرضك
وبساتينك
وان شفت رملك
بعرف العنوان
وان تهت ماسك
حتة من طينك
رغم الجراح
فيكي الامل بيبان
فيكي الامان مكتوب
على جبينك
فيكي اللي راح بيعد ف سنينك
فيكي اللي عارف انك انتي العمر
——————
عاشقك عروسة
وانتي طلبه المهر
مهرك اهاتي
جوه محبوسة
لنزع أهاتي من
ضلوع القهر
ويطول زماني
وانتي محروسة
عمري ليالي
وانت عمرك دهر
مفرود شراعك
من عهود موسى
طول عمري شايل للأمل بوسة
طول عمري عايش بين جبين الصبر
———————————-
الرقة طبعك
والعيون بتطل
والكاس شربتة
عايز قول تاني
من بين زهورك
قلبي حب الفل
مجنون في حبك
حب رباني
يا نسيم على كل
البحور بيهل
رغم الدموع
فيكى الامل باني
فيكى اللي راح بيعلى ف رحابك
فيكي الشريف ناصع جبينه وحر
=======================
الشاعر علاء أبوذكري
