أيوه أنا.. للشاعرة / سميرة الإسريجى ( ماما نونه)

———-
اجمع حنيني والملمك
باطلق عنان الصوت وانا
نجمة سماك المخلصة.
.بسمة ف شفايف ضحكتك.
.حلم الطفولة والصبا.
.وازاي اكون مستغربة..؟
وشوقي سهران يندهك.
.من قبل حتى مااعرفك.
.همسة غنايا والفؤاد.
.بالنبضة حتى باأوصفك.
.عايشة ف خيالي بأرسمك
وأجمع حنيني وألملمك..
حبات ندا..
من فوق جبين عمر ابتدى
.نظرة عنيك ف الليل ونس..
ورموشك السودة الحرس.
.والنن واحة لي وسكن..
راسمني جواهم وطن.
.من غير دموع من غير شجن.
.جاية ف حياتك احرسك.
.اعيش حياتي احسسك.
.ايه راح يكون طعم الوفا.
. يا قلب دوقني الدفا.
.اتمنى يصفالي الزمان.
.ومعاك كتابي يكتمل.
.شيفاك قدر
.اجمل قدر
ارضي .سمايا وعشرتي..
دفايا من برد الشتا.
.انت ف كياني بقيت كده.
.هلة شروق متجددة.
.تراتيل غرام متجودة.
.باشوفني ب عينيك سيدة..
متسيدة.
صورة غرام متخلدة.
.الحب البوم فرحها.
.ناسيه بحنانك دمعها.
.ومن قلبها.
.تطعم هواك ذاد الرضا.
. على قد ما يطول السفر.
.الهجر عمره ما ينكتب.
.ف طريق هوانا للابد.
.واجمع عنان الصوت وانا.
.من بعد ما عرفت الهنا..
ومشيت دروبك بالامان..
باقولها للناس كلها
..ما حد حبك قدها..
ولا حتى فهمك قبلها.
.رجائي منك..حاطلبه.
.اخلص لها..اخلص لها
——————
سميره الاسريجى
ماما نونه