ط
مسابقة الشعر العامى

إحنا متصاحبين..مسابقة شعر العامية بقلم/ عبد الرحمن ابراهيم عبد الحميد من مصر

شعر عامى .. قصيدة إحنا متصاحبين
بقلم / عبدالرحمن إبراهيم عبدالحميد
لقاهرة .. التجمع الخامس

إحنا متصاحبين

كلمة جديدة موجودة
بدل كلمة إحنا مخطوبين
تيجى تتكلم مع أى إتنين
يقولولك إحنا متصاحبين
طيب سؤال ممكن ليك أو ليها
ده موجود فى أى شرع أو دين
تيجى تتكلم معاهم مثلآ
يقولولك إيه المشكلة إحنا أدام الناس
مش بنعمل حاجه عيب و لا حرام
بنخرج مع بعض فى أماكن عامة
مش بنعد لوحدنا فى أماكن ضلمة
و عشان يحللوا كلامهم طبعآ
يجيبلها دبلة عشان تلبسها
و يجيب لنفسه دبلة زيها
كل حاجه يقولولك أدام الناس
كإن الناس رابط شرعى و أنا معرفش
خارجين داخلين عادى مهم متصاحبين
و الكارثة الأكبر لو أهلهم عارفين
و على الموضع ده مطنشين
و بيقولوا خليهم يعيشولهم يومين
يعدوا يتكلموا مع بعض بالساعات
يرغوا فى أى حاجه و خلاص
يضيعوا وقت بعض و مستقبلهم
يمسك إيديها و عادى إيه المشكلة
ده حياتى و عمرى و حبيبى أنا
مهو فى يوم من الأيام
هيكون جوزى و أبو عيالى أكيد
و هو أكيد طبعآ بيخاف عليا
و أكيد بعد مرحلة الإيد
تتطور لحاجات تانية
كل ده و تقولك بيخاف عليا
طيب معلش فهمينى إزاى
و الله إنتى صعبانة عليا
كلمة واحدة بس أحب أقولهالك
على اللى بتقولى عليه أبو عيالك
لو خايف عليكى عمره ما هيلمسك
و لا يخلى حد يبصلك بصة و يجرحك
فكرى تانى يا بنتى و خافى على نفسك
و خليكى غالية لحد أما تلاقى اللى يحبك
و ييجى لحد بيتك هو ده اللى يناسبك

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى