ط
مسابقة الشعر العامى

اسكندرية ف الشتا . مسابقة الشعر العامى بقلم / رضوى صلاح من مصر

الاسم رضوى صلاح محمد
الدوله مصر محافظة الاسكندرية
شعر عامى
اسكندرية ف الشتا
إسكندرية ف الشتا
راسمة لوحة بين إيدينا
وعلي كف حبات المطر
وديسمبر الملهوف حكاوي
يشبه غناوي العاشقين
بالنظرة زال كل الخطر
كورنيش وحاوي ألف صورة
وإسكندرية تتوهك
وأمان بيسقط م النجوم
يخبط ف بحره ويندهك
سرحان غريب بين البشر
والموج يعافر شدني
وإسكندرية ف السهر
ندهت هواها ف ضمني
برد الشوارع والسكك
علي طول بيتحول أمان
وإيدين تدفي خطوتك
تحتاج لخوفك يوم كمان
وعلي أخر ١٢ تقريبآ
الرعشة ف قلبك بتدور
ملفوف القلب بدقاته
وكأن المطرة كاسات بنور
دي إسكندرية ف الشتا
مش بس لحظة ما بين قلوب
إسكندرية حضن دافي
ملفوف هدية من الغروب
والبحر دايمآ ذنب ساكت
والعشق فيه رافض يتوب ♥

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى