عصام الدين أحمد محمود
الشهرة عصام الدين صقر
جمهورية مصر العربية
الفئة شعر العامية
شوق المراكب
من بعد شوق المراكب اشتقت لجناحى
ف ليلة العيد حين البراح براحى
خايلنى البحر خايلته لما بقالى خليل
سبع سواقى بتنعى ع اللى حظه قليل
من حلب حليبى يا حليب ياسمين
صاحبنى خليلى لما السفر إلى حطين
رأيت الكهف ما رأيت السبعة والتامن
بحثت عنى فى المسامع والمضامن
صليت فى رحالى أنتظر موتى
صليت فى بيوتى لم علا صوتى
اغلى النياق فى العرب نهلة
أجمل فرس فى العرب نجلا
أصفى الليالى فى القلوب السهلة
اكم فى الليالى بكى شيخى
قال يا مريدى تاريخك تاريخى
عنبى شوامى يا بلح يمنى
أبا العينين أدبنى وعلمنى
شدوا مطايا الرحيل
حزموا المتاع إلى دمى
عصايا عصا موسى
عصانى كبيرهم لم حمل همى
لقمان الحكيم كتب إسمى
حكيم فى كتاب الورد
يا صبا الحجاز رصد القلوب نهاوند
صاب الحسد عينى إرقينى يا سيد حجاب
هذا خزين البندق جابوا الغفير سنجاب
من تل بسطة بسط المقام مبسوط
خلى البساط أحمدي والحصير مبسوط
صروف الليالى ليالى صنوف
دار بى دهرى قسم لى ضهرى بسيف الظروف
سلام على الكواكب سلام على صباحى
من بعد شوق المراكب اشتقت لجناحى
